बुटीबोरीत धम्मचक्र प्रवर्तन दिन उत्साहात साजरा
नागपूरच्या दीक्षाभूमीवरील ऐतिहासिक धम्मदीक्षा घटनेच्या स्मरणार्थ बुटीबोरी शहरात धम्मचक्र प्रवर्तन दिन अत्यंत उत्साहात साजरा करण्यात आला. या निमित्ताने शहरातील विविध भागांत सामाजिक बांधिलकी जपत भोजनदानाचे आयोजन करण्यात आले होते. तसेच भीमगीतांच्या संगीतमय कार्यक्रमांतून तथागत गौतम बुद्ध आणि डॉ. बाबासाहेब आंबेडकर यांच्या समता, स्वातंत्र्य, बंधुता व सामाजिक न्यायाच्या विचारांना अभिवादन करण्यात आले. नागरिकांच्या उत्स्फूर्त सहभागामुळे संपूर्ण बुटीबोरी परिसरात बौद्धमय आणि उत्साही वातावरण निर्माण झाले होते.
