टेंभरी (बुटीबोरी MIDC) : नवयुवक दुर्गा उत्सव मंडळ व व्यापारी संघटनेच्या वतीने टेंभरी येथील दुर्गा चौकात गुरुवार, दिनांक १५ ऑक्टोबर २०२६ रोजी भव्य जागरण कार्यक्रमाचे आयोजन करण्यात आले आहे. या कार्यक्रमात सुप्रसिद्ध गायक सचिन दादा, सुप्रसिद्ध गायिका मयुरी खंडारे आणि गायिका तेजस्विनी खोडतकर आपल्या सुमधुर आवाजातून भक्तिगीतांची व देवीच्या गीतांची सुरेल मेजवानी सादर करणार आहेत.
सायंकाळी ६ वाजल्यापासून मध्यरात्री १२ वाजेपर्यंत हा जागरण सोहळा रंगणार असून, परिसरातील भाविकांना भक्तिसंगीताचा आनंद घेण्याची संधी मिळणार आहे. या कार्यक्रमामुळे परिसरात भक्तिमय वातावरण निर्माण होणार असून, नागरिकांमध्ये उत्साहाचे वातावरण आहे. नवयुवक दुर्गा उत्सव मंडळ व व्यापारी संघटनेच्या वतीने सर्व भाविक, नागरिक आणि संगीतप्रेमींनी या जागरण कार्यक्रमाला मोठ्या संख्येने उपस्थित राहून कार्यक्रमाची शोभा वाढवावी, असे आवाहन करण्यात आले आहे.
