Tuesday, 17 November 2026AAMCHI BUTIBORI NEWS
AAMCHI BUTIBORI NEWS
BREAKING NEWS
अपघातात पतीचा मृत्यू, पत्नी गंभीर जखमीबुटीबोरी में राष्ट्रीय पत्रकार दिवस उत्साह के साथ मनाया गया, पत्रकारों को पौधे देकर दी शुभकामनाएंबुटीबोरी में दर्दनाक हादसा: दस्तावेज़ों की गलती से परेशान डी.फार्मा छात्रा ने की आत्महत्याईमानदारी की मिसाल बने तंजील पठाण! लाखों का कीमती सामान मिला, फिर भी नहीं डगमगाया ईमान; PI निशांत मेश्राम के मार्गदर्शन में मालिक को लौटाया पर्सपतंग उडवायला गेलेला बालक परतला नाही! शेतात विजेच्या धक्क्याने १४ वर्षीय मुलाचा दुर्दैवी मृत्यू; बुटीबोरी पोलीस ठाण्या हद्दीतील घटनाबुटीबोरीत क्रांतीसूर्य बिरसा मुंडा यांच्या १५१ व्या जयंतीनिमित्त प्रभाग क्र. ४ मध्ये विविध उपक्रमांनी विनम्र अभिवादन!बुटिबोरी में भोजपुरी चौपाल मित्र मंडल की ओर से छठ पूजा महोत्सव उत्साह के साथ संपन्नप्रबोधनाची पर्वणी: १९ नोव्हेंबरला बुटीबोरीत रंगणार सत्यपाल महाराजांचे सुश्राव्य कीर्तन!
BUTIBORI NEWS

अपघातात पतीचा मृत्यू, पत्नी गंभीर जखमी

Aamchibutibori_admin
17 Nov 202671 वाचने

कारची दुचाकीला धडक : हळदगाव टोल प्लाझाजवळील घटना
बुटीबोरी : वेगाने जाणाऱ्या कारने समोर असलेल्या दुचाकीला मागून जोरात धडक दिली. यात दुचाकीस्वार तरुणाचा घटनास्थळीच मृत्यू झाला, तर त्यांची पत्नी गंभीर जखमी झाली. त्यांच्यासोबत असलेली तीन वर्षीय चिमुकली थोडक्यात बचावली. ही घटना बुटीबोरी पोलिस ठाण्याच्या हद्दीतील बुटीबोरी-वर्धा महामार्गावरील हळदगाव टोल प्लाझाजवळ रविवारी (दि. १५ नोव्हेंबर) दुपारी १.३० वाजताच्या सुमारास घडली.
प्रलय सुरेश भगत (२९, रा. सावंगी मेघे, ता. जि. वर्धा) असे मृताचे नाव असून, त्यांची पत्नी आरती भगत (२७) या गंभीर जखमी झाल्या असून, त्यांच्या डाव्या पायाला व दोन्ही हातांना गंभीररीत्या दुखापत झाली. या घटनेत सोबत असलेली त्यांची चिमुरडी आयरा ही थोडक्यात बचावली. प्रलय भगत हे पत्नी व मुलीसह एमएच-३२/एपी-७७८१ क्रमांकाच्या दुचाकीने टाकळघाट येथील मंदिरात दर्शनासाठी जात होते. दरम्यान, बुटीबोरी-वर्धा महामार्गावरील हळदगाव टोल प्लाझाजवळ मागून वेगाने येणाऱ्या एमएच-३४/एए-४५१४ क्रमांकाच्या कारने त्यांच्या दुचाकीला जोरात धडक दिली. यात गंभीर दुखापत झाल्याने प्रलय यांचा घटनास्थळीच मृत्यू झाला.
घटनेची माहिती मिळताच बुटीबोरी पोलिसांनी घटनास्थळ गाठून जखमी महिला व मुलीला बुटीबोरी येथील खासगी हॉस्पिटलमध्ये उपचारार्थ दाखल केले. पोलिसांनी मृतदेह ताब्यात घेऊन पंचनामा केला. याप्रकरणी बुटीबोरी पोलिसांनी कारचालकाविरुद्ध गुन्हा नोंदवून तपास सुरू केला आहे.
या अपघातात प्रलय यांच्या मृत्यूने चिमुकलीच्या डोक्यावरून पित्याचे छत्र हरपल्याने हळहळ व्यक्त होत आहे. त्यांची पत्नी आरती यांच्यावर वर्धा येथील रुग्णालयात उपचार सुरू आहे.

संबंधित बातम्या