क्रांतीसूर्य भगवान बिरसा मुंडा यांच्या १५१ व्या जयंतीनिमित्त प्रभाग क्र. ४ मध्ये विविध कार्यक्रमांचे आयोजन!
दिनांक: १७ नोव्हेंबर २०२६
स्थान: बिरसा मुंडा पुतळा जवळ, प्रभाग क्र. ४
दिनांक १६ नोव्हेंबर २०२६ रोजी प्रभाग क्र. ४ मधील बिरसा मुंडा पुतळा परिसरात, क्रांतीसूर्य भगवान बिरसा मुंडा यांच्या १५१ व्या जयंतीनिमित्त एका विशेष कार्यक्रमाचे आयोजन करण्यात आले होते. या कार्यक्रमात बिरसा मुंडा यांच्या प्रतिमेचे पूजन करून त्यांना आदरांजली वाहण्यात आली आणि प्रतिमेस पुष्पमाला अर्पण करण्यात आली.
या जयंती महोत्सवाचे मुख्य आकर्षण म्हणजे पारंपारिक गोंडी नृत्याचे सादरीकरण ठरले, ज्याने उपस्थितांचे मन जिंकले. तसेच, उपस्थित सर्व नागरिकांसाठी महाप्रसादाचे भव्य आयोजन करण्यात आले होते, ज्याचा लाभ मोठ्या संख्येने नागरिकांनी घेतला.
या प्रेरणादायी व यशस्वी कार्यक्रमाचे आयोजन व सुव्यवस्था राखण्यासाठी समितीचे सर्व मानद सदस्य उपस्थित होते. यामध्ये नानाजी धुर्वे, प्रवीण धुर्वे, सुनील किंनाके, सुनील परतेकी, विकास धुर्वे, शुभम गजभिये, संदेश धुर्वे उर्फ अण्णा यांच्यासह परिसरातील अनेक मान्यवर व नागरिक मोठ्या संख्येने उपस्थित राहून कार्यक्रमाची शोभा वाढवली.



