भीमकुंड येथे वनराई बंधारानिर्मिती

बुटीबोरी -पाण्याचा प्रत्येक थेंब अनमोल आहे. भविष्यातील पाणीटंचाई टाळण्यासाठी जलसंवर्धन ही काळाची गरज आहे. हाच संदेश प्रत्यक्ष कृतीतून देत हिंगणा तालुक्यातील मोहगाव झिल्पी रोडवरील भीमकुंड येथे वनराई बंधाऱ्याची निर्मिती करण्यात आली. जगद्‌गुरू रामानंदाचार्य श्री स्वामी नरेंद्राचार्य यांच्या कृपाशीर्वादाने व पीठाचे उत्तराधिकारी परमपूज्य श्री कानिफनाथ महाराज यांच्या प्रेरणेने हा उपक्रम राबविण्यात आला. यासाठी माधवी ठाकूर, मंजुश्री डाहाके, मनीषा पुंड, कल्पना शरद हेडाऊ, जगदीश फालके, प्रमोद चौधरी, अभिषेक कुलकर्णी व इतरांनी पुढाकार घेतला होता.